सिनाम माध्यमिक विद्यालय नेपालको सुदूरपूर्वी जिल्ला ताप्लेजुङको सिरीजंघा गाउँपालिका वडा नम्बर १

सिनाममा रहेको छ । वि.सं. २००७ सालदेखि औपचारिक रुपमा विद्यालय स्थापना गरी नेपाल सरकारको स्वीकृति प्राप्त सामुदायिक विद्यालयको रुपमा सञ्चालित छ । साधारण माध्यमिक विद्यालयको रुपमा कक्षा १ देखि १२ कक्षासम्म सञ्चालित यस विद्यालयमा प्राविधिक शिक्षा तथा व्यवसायिक तालिम परिषद्बाट  सम्बन्धन प्राप्त गरी सामुदायिक विद्यालयमा प्राविधिक शिक्षा (TECS) कार्यक्रम अर्न्तगत प्रि-डिप्लोमा इन एग्रीकल्चर, प्रि-डिप्लोमा इन सिभिल इन्जिनियरिङ तथा डिप्लोमा इन एग्रीकल्चर र डिप्लोमा इन सिभिल इन्जिनियरिङ र कक्षा११ / १२ मा शिक्षा, मानविकी, व्यवस्थापन र विज्ञान समूहका विषयहरु अध्ययनअध्यापन भइरहेका छन् । सिरिजंघा गाउँपालिका, पाथिभरा याङवरक गाउँपालिका र सिदिङवा गाउँपालिकाको केन्द्रमा रहेको सिनाम यस क्षेत्रका वालवालिकाहरुको शैक्षिक गन्तव्य स्थलको रुपमा स्थापित भएको छ । यस विद्यालय सेवा क्षेत्रका बालबालिकाहरुको प्राविधिक शिक्षा लिने एकमात्र शैक्षिक संस्थाको रुपमा यो विद्यालय स्थापित छ ।